ಅವಳ ಹೆಸರು ಪದ್ದು
ಬುದ್ಧಿಯಿಲ್ಲ ಪೆದ್ದು
ಮನೆಯಲೆಲ್ಲ ಮುದ್ದು
ತಿನ್ನೋದೆಲ್ಲ ಕದ್ದು
ಒಮ್ಮೆ ಸಿಕ್ಕಿ ಬಿದ್ದು
ಬಿತ್ತು ನಾಲ್ಕು ಗುದ್ದು !
***
ಊರಿನ ತೇರನು
ನೋಡಲಿಕೆ೦ದು
ಜನರೆಲ್ಲರು ಬಂದು
ದೇವರ ಉತ್ಸವ
ಬಲಿಯನು ನೋಡಲು
ಮೌನದಿ ತಾ ನಿಂದು
ಡೋಲು ಗಂಟೆಯು
ವಾದ್ಯವು ಕಹಳೆಯು
ಸದ್ದನು ಮಾಡಿರಲು
ಮಲ್ಲಿಗೆ ಸಂಪಿಗೆ
ಬಗೆ ಬಗೆ ಹೂಗಳ
ಪರಿಮಳ ತುಂಬಿರಲು
ಚೆಂಡೆಯ ಬಡಿದು
ಪಟಾಕಿ ಸಿಡಿದು
ಸಡಗರದಿಂದಿರಲು
ದೇವರ ಹೊತ್ತು
ಬಲಿಯನು ಬರುತಿರೆ
ಭಕ್ತರು ಜಯವೆಂದು
ದೇವರ ರಥದಲಿ
ಕೂರಿಸಿ ತೇರನು
ಎಳೆಯುತ ನಡೆತಂದು
ಹರಿಯುವ ನದಿಯ
ಬದಿಯಲಿ ನಿಲ್ಲಿಸಿ
ಪೂಜೆಯ ಕೈಗೊಂಡು
ದೇವರು ಸ್ನಾನವ
ವಿರಚಿಸೆ ಜಾತ್ರೆಯು
ಕೊನೆಯಾಯಿತು ಅಂದು .
(ಕವಿ :ಸುಬ್ರಹ್ಮಣ್ಯ ಭಟ್ )
***
ವಿಶಾಲ ಭಾರತ
ಭವ್ಯ ದಿವ್ಯ ಭಾರತ
ಸಂಸ್ಕೃತಿಯ ನೆಲೆಯು ಭಾರತ
ಪ್ರಕೃತಿ ಸೌ೦ದರ್ಯದಿ
ಜಗದಿ ದಿವದಿ ಮೆರೆಯುವ
ಪುಣ್ಯ ಭೂಮಿ ನಮ್ಮ ಭಾರತ
ಎದ್ದೇಳಿ ವೀರ ಪ್ರಜೆಗಳೇ
ಶಾಂತಿಗಾಗಿ ಮುನ್ನಡೆಯಿರಿ
ಭ್ರಾತೃತ್ವವವನ್ನು ಬೆಳೆಸಿರಿ
ಒಂದಾಗಿ ಕೂಡಿ ಬಾಳಿರಿ
ವಿಶಾಲ ಭಾರತ
ಭವ್ಯ ದಿವ್ಯ ಭಾರತ
ಸಂಸ್ಕೃತಿಯ ನೆಲೆಯು ಭಾರತ
***
ತಣ್ಣನೆ ರಾತ್ರಿಯ ಆಕಾಶದಲಿ
ಚಂದಿರ ನಗುತಿದ್ದ
ಅಮ್ಮನ ಕೂಡೆ ಅಂಗಳದಲ್ಲಿ
ಕಂದನು ಕುಳಿತಿದ್ದ
ಮಲ್ಲಿಗೆ ಹೂವಿನ ಪರಿಮಳ ಮೆಲ್ಲನೆ
ತೇಲುತ ಬರುತಿರಲು
ಮಿಂಚುಹುಳವು ಮಿರಿ ಮಿರಿಗುಟ್ಟುತ
ಬಳ್ಳಿಯ ಬಳಿಯಿರಲು
ಹಚ್ಚಿದ ಹಣತೆಯ ಹಿಡಿಯುತ
ಬಂದಳು ಅಕ್ಕನು ತಾನಾಗಿ
ಪಕ್ಕನೆ ಎಣ್ಣೆಯ ಕುಡಿಕೆಯ
ಮರೆಯಲು ಅಪ್ಪನು ಒಳ ಹೋಗಿ
ದೀಪವನಿರಿಸಲು ತುಳಸಿಯ
ಬುಡದಲಿ ಕೈಜೋಡಿಸಿ ನಿಂತು
ದೇವರ ನೆನೆಯುವ ಪರಿಯನು ಕಂಡು
ಕಂದಗೆ ನಗು ಬಂತು .
(ಕವಿ : ಸುಬ್ರಹ್ಮಣ್ಯ ಭಟ್)
***
ಬಾರಣ್ಣ ನೋಡಣ್ಣ
ಓ ಮುದ್ದು ಚಿಣ್ಣ
ಬಾನಿನಲಿ ಹಾರುತಿದೆ ರಾಷ್ಟ್ರಧ್ವಜವಣ್ಣ
ಮೇಲೆ ಕೇಸರಿ ಬಣ್ಣ
ನಡು ಬಿಳುಪಣ್ಣ
ಕೆಳಗೆ ಹಸಿರು ಬಣ್ಣ
ನಡುವೆ ಚಕ್ರವಣ್ಣ
ಬಾರಣ್ಣ ನೋಡಣ್ಣ
ಓ ಮುದ್ದು ಚಿಣ್ಣ
ಬಾನಿನಲಿ ಹಾರುತಿದೆ ರಾಷ್ಟ್ರಧ್ವಜವಣ್ಣ
ಪುರಿಗಳ ಅಂಗಡಿ ನಾಗಣ್ಣ
ಕೊಡು ನಾಕಾರು ಪುರಿಯನ್ನ
ಬುರುಬುರು ಉಬ್ಬಿದ
ಕೆಂಪಗೆ ಕಾಯ್ದಿಹ
ಕಟ್ಟೋ ನನಗೆ ಪುರಿಯನ್ನ
ರುಚಿ ರುಚಿ ಪುರಿ
ಬಿಸಿ ಬಿಸಿ ಪುರಿ
ಬೇಗನೆ ಕೊಡೋ ನಾಗಣ್ಣ !
***
ಹಾರುವುದೆಲ್ಲಿಗೆ ?
ಗಾಳಿ ಜೋಗುಳ ಹಾಡಿ ತೂಗುತಿತ್ತು
ಗರಿ ಮುದುರಿ ಮಲಗಿತ್ತ ಹಕ್ಕಿ ಗೂಡುಗಳಲ್ಲಿ
ಇರುಳು ಹೊಂಗನಸೂಡಿ ಸಾಗುತಿತ್ತು
ತುಂಬು ನೀರಿನ ಹೊಳೆಯೊಳ೦ಬಿಗನ ಕಿರುದೋಣಿ
ಪ್ರಸ್ಥಾನ ಗೀತೆಯನು ಹೇಳುತಿತ್ತು
ಬರುವ ಮುಂದಿನ ದಿನದ ನವನವೋದಯಕ್ಕಾಗಿ
ಪ್ರಕೃತಿ ತಪವಿರುವಂತೆ ತೋರುತ್ತಿತ್ತು
ಶಾಂತ ರೀತಿಯರಿರುಳು ಮೆಲ್ಲ ಮೆಲ್ಲನೆ ಉರುಳಿ
ನಾಳಿನಾ ಶುಭೋದಯವ ಸಾರುತಿತ್ತು .
(ಕವಿ :ಎಸ್ ವಿ. ಪರಮೇಶ್ವರ ಭಟ್ಟ )
***
ದಾಸಯ್ಯ ಬಂದ ನಮ್ಮನೆಗೆ
ಜೋಳಿಗೆ ಹಿಡಿದು ಬಾಗಿಲಿಗೆ
ಬಿಳಿಯ ಪಂಚೆ ಉಟ್ಟಿದ್ದ
ಚಂದದ ನಾಮವ ಹಾಕಿದ್ದ
ದೀಪದ ಕಂಬವ ಹಿಡಿದಿದ್ದ
ಎಣ್ಣೆಯ ಬತ್ತಿಯ ಬೇಡಿದ್ದ
ಭಂ ಭಂ ಶಂಖವ ಊದಿದ್ದ
ಡಣ ಡಣ ಜಾಗಟೆ ಬಾರಿಸಿದ
ದಾಸಯ್ಯ ಬಂದ ನಮ್ಮನೆಗೆ
ಜೋಳಿಗೆ ಹಿಡಿದು ಬಾಗಿಲಿಗೆ
***
ಎನ್ನನು ಸಲಹೈ ದೇವ
ಸಕಲವ ಕೊಡು ನೀ ದೇವ
ತಾಯಿಯು ನೀನೆ ತಂದೆಯು ನೀನೆ
ಬಂಧುವು ನೀನೆ ದೇವ
ನಿನ್ನ ನೆನಹದು ಎನ್ನೀ ಹೃದಯದಿ
(kavi : ಪಳ್ಳತ್ತಡ್ಕ ಸುಬ್ರಾಯ ಭಟ್ )
***
ಅಣ್ಣನು ಕುಡಿವನು
ತಣ್ಣನೆ ನೀರು
ಅಜ್ಜನು ಕುಡಿವನು
ಬಿಸಿ ಬಿಸಿ ನೀರು
ಅಜ್ಜಿಯು ಕುಡಿವಳು
ಮಜ್ಜಿಗೆ ನೀರು
ನನಗೂ ಅಪ್ಪಗೂ
ಸಿಹಿ ಎಳನೀರು !
***
***
ಕಡಲು ತೀರಕೆ ಹೋಗೋಣ
ಅಂದದ ಕಡಲನು ನೋಡೋಣ
ಅಲೆಗಳ ಆಟವ ನೋಡೋಣ
ಬಿಳಿ ಬಿಳಿ ನೊರೆಯಲಿ ಆಡೋಣ
ಮರಳಿನ ಮನೆಯನು ಕಟ್ಟೋಣ
ಈಜುವ ಮೀನನು ನೋಡೋಣ
ಕಪ್ಪೆ ಚಿಪ್ಪನು ಹುಡುಕೋಣ
ದೋಣಿಯ ಆಟವ ಆಡೋಣ !
***
ತಾತನು ಹಿಡಿಯುವ
ಬಿಳಿಯ ಕೊಡೆ
ಅಪ್ಪನು ಹಿಡಿಯುವ
ಕರಿಯ ಕೊಡೆ
ಅಕ್ಕನು ಹಿಡಿಯುವ
ಕೆಂಪು ಕೊಡೆ
ಬಣ್ಣದ ಹೂಗಳ
ನನ್ನ ಕೊಡೆ
ಬಿಸಿಲಲಿ ತಂಪನು
ಕೊಡುವ ಕೊಡೆ
ಮಳೆಯಲಿ ನಮ್ಮನು
ತೋಯಿಸದ ಕೊಡೆ
****
***
ಅಪ್ಪನು ನಡೆಸುವ ಎತ್ತಿನ ಬಂಡಿ
ಮರದಲಿ ಮಾಡಿದ ಚಂದದ ಬಂಡಿ
ಎಳೆಯಿತು ಅದನು ಎತ್ತಿನ ಜೋಡಿ
ಓಡಿತು ಗಡ ಗಡ ಸದ್ದನು ಮಾಡಿ
ಅಪ್ಪನು ಸಂತೆಗೆ ಹೋಗುವ ಬಂಡಿ
ಅಜ್ಜನು ಊರಿಗೆ ಹೋಗುವ ಬಂಡಿ
ನಮ್ಮ ಮನೆಯ ಚಂದದ ಬಂಡಿ
ಗಡ ಗಡ ಸದ್ದಿನ ಎತ್ತಿನ ಬಂಡಿ !
***
ಬಾನದೋ ಬೆಳಗಿತು ಕತ್ತಲೆಯೋಡಿತು
ಓ ಓ ಬಾಲಕನೆದ್ದೇಳು
ದಿನಮಣಿಯುದಿಸುತ ಮೇಲಕೆ ಬಂದನು
ಬೆಳಗಿನ ನಿದ್ದೆಯು ಬಲು ಹಾಳು
ದೂರದ ಹೊಲದಲಿ ನೇಗಿಲ ಯೋಗಿಯು
ದುಡಿಯುತಲಿರುವನು ಜನಕಾಗಿ
ಅಮ್ಮನು ದೇವರ ನಾಮವ ಸ್ಮರಿಸುತ
ಕದೆಯುತಲಿರುವಳು ಮೊಸರನ್ನು
ಆಲಸ್ಯವ ಬಿಡು ಚಾಪೆಯ ಮಡಚಿಡು
ಮೋರೆಯ ತೊಳೆವುದು ನೀನಿನ್ನು
ಈಶನ ಸ್ಮರಿಸುತ ಹಿರಿಯರ ನಮಿಸುತ
ಪಾಠಗಳೆಲ್ಲವನೋದುವುದು
ನಿತ್ಯವೂ ಮಿಂದು ಗಂಜಿಯನುಂಡು
ಸಮಯಕೆ ಶಾಲೆಗೆ ಹೋಗುವುದು
ಪುಸ್ತಕ ಸ್ಲೇಟು ಬೆಳ್ಳನೆ ಶರಟು
ಟೋಪಿಯನೇರಿಸುತನ್ದದಲಿ
ಬೀದಿಗಳಲ್ಲಿ ಬಲಬದಿಯಲ್ಲಿ
ನೆಟ್ಟನೆ ನಡೆವುದು ಶಿಸ್ತಿನಲಿ
ಆಟವ ಪಾಠವನೆಲ್ಲವನೋದಿ
ಜಾಣನಾಗು ಬಾಳಿನಲಿ
(ಕವಿ : ಸುಶೀಲಮ್ಮ ಎಂ. )
***
ಬಣ್ಣದ ತಗಡಿನ ತುತ್ತೂರಿ
ಕಾಸಿಗೆ ಕೊಂಡನು ಕಸ್ತೂರಿ
ಸರಿಗಮ ಪದನಿಸ ಊದಿದನು
ಸನಿದಪ ಮಗರಿಸ ಊದಿದನು
ತನಗೇ ತುತ್ತೂರಿ ಇದೆಯೆಂದ
ಚಿಕ್ ಚಿಕ್ ಚಿವ್ ಚಿವ್
ಎಂದುಕೊಂಡು ಮರಗಳಲ್ಲಿ
ಅತ್ತ ಇತ್ತ ಓಡುತಿರುವೆ
ನಾನು ಯಾರು ?
ಹಣ್ಣು ಕಾಯಿ ಬೀಜ ಗೊರಟು
ದವಸಧಾನ್ಯವೆಲ್ಲವನ್ನು
ತಿಂದುಕೊಂಡು ಹೊಟ್ಟೆ ಹೊರೆವೆ
ನಾನು ಯಾರು ?
ಮರದ ಚಿಕ್ಕ ಪೊಟರೆಯೊಳಗೆ
ಗೂಡು ಕಟ್ಟಿ ಮರಿಗಳೊಡನೆ
ವಾಸಮಾಡುತಿರುವೆನಣ್ಣ
ನಾನು ಯಾರು ?
ಉಣ್ಣೆಯಂತೆ ನುಣ್ಣಗಾದ
ರೋಮವಿರುವ ಬೆನ್ನ ಮೇಲೆ
ಬಿಳಿಯ ಮೂರು ಗೆರೆಗಳಿಹವು
ನಾನು ಯಾರು?
ಚಿಕ್ ಚಿಕ್ ಚಿವ್ ಚಿವ್
ಚಿಕ್ ಚಿಕ್ ಚಿವ್ ಚಿವ್
ಎನುವ ಪುಟ್ಟ ಹಾಡುಗಾರ
ನಾನು ಯಾರು ?
(ಕವಿ : ಪಳಕಳ ಸೀತಾರಾಮ ಭಟ್ )
***
ಗುಬ್ಬಿ ಗುಬ್ಬಿ 
ಮಗು: ಇರುವೆ ಇರುವೆ ಕರಿಯ ಇರುವೆ
ನಾನು ಜೊತೆಗೆ ಬರುವೆ
ಆಡಲಿಕ್ಕೆ ಅಮ್ಮನಿಂದ ಕರಣಿ ಬೆಲ್ಲ ತರುವೆ
ಇರುವೆ : ಮಳೆಯ ಕಾಲ ಬರುತಲಿಹುದು
ನನಗೆ ಸಮಯವಿಲ್ಲ
ಅನ್ನ ಕೂಡಿ ಹಾಕಿ ಇಟ್ಟು
ಕರೆಯ ಬರುವೆನಲ್ಲ !
ಮಗು : ನಾಯಿಮರಿ ನಾಯಿಮರಿ
ನಿನ್ನ ಜೊತೆಗೆ ಆಡುವೆ
ಕುಂಯ್ ಕುಂಯ್ ರಾಗ ಕಲಿಸು
ನಿನ್ನ ಹಾಗೆ ಹಾಡುವೆ
ನಾಯಿಮರಿ : ಆಡಲಿಕ್ಕೆ ಹಾಡಲಿಕ್ಕೆ
ನನಗೆ ಸಮಯವಿಲ್ಲ
ಅನ್ನ ಹಾಕಿದವನ ಮನೆಯ
ಕಾಯುತಿರುವೆನಲ್ಲ !
ಮಗು : ಜೇನು ಹುಳುವೆ ಜೇನು ಹುಳುವೆ
ಎಲ್ಲಿ ಹೋಗುತಿರುವೆ ?
ಕರೆದುಕೊಂಡು ಹೋಗು ನನ್ನ
ನಿನ್ನ ಜೊತೆಗೆ ಬರುವೆ
ಜೇನು ಹುಳ : ಬನವ ಸುತ್ತಿ ಸುಳಿದು ನಾನು
ಜೇನನರಸಿ ತರುವೆ
ಈಗ ಬೇಡ ಚೈತ್ರ ಬರಲಿ
ಆಗ ನಾನು ಕರೆವೆ !
ಮಗು : ಕುಹೂ ಕುಹೂ ಕೂಗುತಿರುವ
ಮಧುರ ಕಂಠ ಕೋಗಿಲೆ
ಎಲೆಯ ಬಲೆಯ ನೆಲೆಯೊಳಿರಲು
ನಾನು ಜೊತೆಗೆ ಬರುವೆ
ಕೋಗಿಲೆ : ಕಾಕ ದೃಷ್ಟಿ ತಪ್ಪಿಸಲ್ಕೆ
ಹೊಂಚಿನಲ್ಲಿ ಇರುವೆ
ಚೈತ್ರ ಕಳೆಯೆ ಒಂಟಿ ಇರುವೆ
ಆಗ ಕರೆಯ ಬರುವೆ
ಮಗು : ಯಾರು ಇವರು ನನ್ನ ಕೂಡೆ ಆಡಲಿಕ್ಕೆ ಒಲ್ಲರು
ತಮ್ಮ ತಮ್ಮ ಕೆಲಸದಲ್ಲಿ ವೇಳೆ ಕಳೆವರೆಲ್ಲರು
ಅವರ ಹಾಗೆ ಮೊದಲು ನನ್ನ ಕೆಲಸ ನಾನು ಮಾಡುವೆ
ಓದು ಬರಹ ಮುಗಿಸಿಕೊಂಡು ಸಮಯ ಉಳಿಯೆ ಆಡುವೆ !!
(ಕವಿ : ಸಿಸು ಸಂಗಮೇಶ )
***
ಸತ್ಯ ಸದ್ಗುಣ ಚಂದ
ಶುದ್ಧ ಜೀವನ ಚಂದ
ದೇವರೊಲುಮೆಯು ಚಂದಕೆಲ್ಲ ಚಂದ
ಗಂಟೆಯ ನೆಂಟನೆ ಓ ಗಡಿಯಾರ 
