Friday, February 6, 2015

ಪ್ರಾರ್ಥನೆ


ಅಖಿಲಾಂಡ ಮಂಡಲದೊಳು ರೂಪ ತಾಳಿ
ಅದರೊಳಗೆ ಆನಂದ ರೂಪವ ಬೀರಿ
ಅಣುರೇಣು  ತೃಣ ಕಾಷ್ಠವೆಲ್ಲವ ಸೇರಿ
ಪರಮಾತ್ಮರೂಪನೆ  ನಮಿಪೆವು ಬಾಗಿ

ಮನುಜನ ದಿನಪನ ತಾರೆಯನೆಲ್ಲ
ಧರೆಯೊಳಗೆ ತೋರುವ ಪ್ರಾಣಿ ಯನೆಲ್ಲ
ಅನುದಿನವು ಎಡೆಬಿಡದೆ ಕಾಯುವರಾರು
ಅವಗೆಮ್ಮ ಕಾಣಿಕೆ ನೀಡುವ ಬಾರೊ

ಜಯ ಜಯ ಕರುಣೆಯ ಕಣಜವೇ ಜಯತು
ಜಯಜಯ ಜ್ಯೋತಿಯ ಪುಂಜವೇ ಜಯತು
ಜಯ ಜಯ ಮಂಗಳ ಮೂರ್ತಿಯೇ ಜಯತು
ಜಯ ಜಯ ಸತ್ಯ ಸ್ವರೂಪನೆ  ಜಯತು

                                                    Photo courtesy : Sri Shivaram H Doddamani