Tuesday, September 29, 2009

ಕುಂಬಳಕಾಯಿ



ದೊಡ್ಡ ದೊಡ್ಡ ಕುಂಬಳಕಾಯಿ
ಪೂಜೆಗೆ ಬೇಕು ಕುಂಬಳಕಾಯಿ

ಪಲ್ಯಕೆ ಬೇಕು ಕುಂಬಳಕಾಯಿ
ಮಜ್ಜಿಗೆ ಹುಳಿಗೆ ಕುಂಬಳಕಾಯಿ

ಅಜ್ಜನ ನೆನಪಿಗೆ ಕುಂಬಳಕಾಯಿ
ಅಜ್ಜಿಯ ತಿಥಿಗೆ ಕುಂಬಳಕಾಯಿ

ರುಚಿ ರುಚಿ ಹಲ್ವಕೆ ಕುಂಬಳಕಾಯಿ
ದೇಹದ ತಂಪಿಗೆ ಕುಂಬಳಕಾಯಿ
***

Monday, September 7, 2009

ವಿಮಾನ ..









ಗಗನದಿ ಹಾರುತ
ಸದ್ದನು ಮಾಡುತ
ಹೋಗುವ ಪುಟ್ಟ ವಿಮಾನ

ದೊಡ್ಡ ರೆಕ್ಕೆಯ
ಲೋಹದ ಹಕ್ಕಿಯೆ?
ಗಗನದಿ ಗಮಿಸುವ ವಿಮಾನ

ಊರಿಂದ ಊರಿಗೆ
ಕ್ಷಣದಲಿ ಸಾಗುವ
ಗಗನ ಗಾಮಿಯೆ ವಿಮಾನ

ದೇಶ ವಿದೇಶವ
ಸುತ್ತುತಾ ಬರಲು
ನೀ ಉಪಕಾರಿಯೇ ವಿಮಾನ

ಕಾಯುವೆ ನಾನು
ನಿನ್ನನು ಏರಲು
ಹಾರುವೆ ಮುಗಿಲೆಡೆ ವಿಮಾನ
***