Thursday, December 4, 2008

ಲಗೋರಿ


ಲಗೋರಿ ಆಟವ ಆಡಲು ಬನ್ನಿರಿ
ಗೆಳೆಯರೆ ನೀವೆಲ್ಲ
ಗುಂಪುಗಳೆರಡನು ಮಾಡುತ
ನಾವು ಆಡುವ ಈಗೆಲ್ಲ

ಕಲ್ಲುಗಳೇಳನು ಬೇಗನೆ
ಇರಿಸುತ ಒಂದರಮೇಲೊಂದು
ಗೋರಿಯ ಕಟ್ಟಲು ಚೌಕದೊಳಗೆ
ಆಟವು ಸುರುವಂದು

ಚೆಂಡನು ಹಿಡಿದು ಗುರಿಯನು ಕೆಡೆದು
ಓಡುತ ನಾವಿಂದು
ಜಾಣರಂತೆ ಗೋರಿಯ ಕಟ್ಟಲು
ತಪ್ಪಿಸಿಯಾ ಚೆಂಡು

ಆಟವು ಮುಗಿದುದು ಗೋರಿಯ ಕಟ್ಟಲು
ಲಗೋರಿ ಎಂದೆನುತ
ಹಾರುತ ಆಡುವ ಬನ್ನಿರಿ
ಗೆಳೆಯರೆ ನಾವೀಗಲೆ ಕಲೆತು
(ಕವಿ : ಸುಬ್ರಹ್ಮಣ್ಯ ಭಟ್ )

***

No comments: