ಡೊಳ್ಳು ಹೊಟ್ಟೆ ಗಣಪಣ್ಣ
ನಮ್ಮಯ ಮನೆಗೆ ಬಾರಣ್ಣ
ಆನೆಯ ಮೊಗವ ತೋರಣ್ಣ
ಇಲಿಯನು ಏರುತ ಬಾರಣ್ಣ
ಅಣ್ಣನು ತಳಿಯುವ ಪನ್ನೀರ
ನಾನು ತೊಡಿಸುವೆ ಹೂಹಾರ
ಅಪ್ಪನು ಆರತಿ ಮಾಡುವನು
ಅಮ್ಮನು ಶಂಖವ ಊದುವಳು
ತಮ್ಮನು ಜಾಗಟೆ ಬಡಿಯುವನು
ತಂಗಿಯು ಭಜನೆ ಮಾಡುವಳು
ಅಜ್ಜನು ಕೊಡುವನು ಕಜ್ಜಾಯ
ಅಜ್ಜಿಯು ಕೊಡುವಳು ಗೋಕ್ಷೀರ
ಚೌತಿಯ ದಿನವೇ ಬಾರಣ್ಣ
ಚಕ್ಕುಲಿ ಕಡಲೆ ನಿನಗಣ್ಣ
ಬೇಗನೆ ಬಾರೋ ಗಣಪಣ್ಣ
ಡೊಳ್ಳು ಹೊಟ್ಟೆ ಗಣಪಣ್ಣ
(ಕವಿ : ಕ.ಸುಬ್ರಹ್ಮಣ್ಯ ಭಟ್ )
***
No comments:
Post a Comment