Thursday, June 17, 2010

ತುಂತುರು ಮಳೆ



ಬಾನಿನಿಂದ ಭುವಿಗೆ ಬಂತು
ತುಂತುರು ಮಳೆ
ಪಚ್ಚೆ ಪೈರು ಬೆಳೆದು
ಇಳೆಗೆ ತುಂಬಿತು ಕಳೆ


ಹೊಳೆಯು ಉಕ್ಕಿ ಹರಿದು
ಬಂತು ಜೀವ ಕಳೆ
ನೀರ ಚಿಲುಮೆ ನೋಡಿ
ನೀನು ಸಂತಸ ತಳೆ


ಹೊಲವ ರೈತ ಉತ್ತು
ಬಿತ್ತಿ ಬೆಳೆದನು ಬೆಳೆ
ಕಣಜ ಧಾನ್ಯದಿಂದ ತುಂಬಿ
ಹರುಷವಾಯ್ತು ನೆಲೆ

Wednesday, June 2, 2010

ಎಂಥ ಸಮಯ ..



ಅರಳಿದ ಹೂಗಳ
ಪರಿಮಳ ಸವಿಯಲು
ಆಹಾ ! ಎಂಥ ಸಮಯವದು

ಮೆಲ್ಲನೆ ಚಂದಿರ
ಮೂಡುತ ಬರುವ
ಆಹಾ! ಸುಂದರ ನೋಟವದು

ಮಂದ ಪ್ರಕಾಶದಿ
ಬೆಳಗುವ ದೀಪವು
ಕತ್ತಲೆಯನು ತಾ ಕಳೆಯುವುದು

ಅಜ್ಜಿಯು ಹೇಳುವ
ಕಥೆಯನು ಕೇಳಲು
ಎನ್ನಯ ಮನವು ತವಕಿಪುದು .