Tuesday, August 19, 2008

ಅನ್ನದಾತ


ಇವನೆ ನೋಡು ಅನ್ನದಾತ
ಹೊಲದಿ ದುಡಿದೇ ದುಡಿವನು
ನಾಡ ಜನರು ಬದುಕಲೆಂದು
ದವಸ ಧಾನ್ಯ ಬೆಳೆವನು

ಮಳೆಯ ಗುಡುಗು ಚಳಿಯ ನಡುಗು
ಬಿಸಿಲ ಬೇಗೆ ಸಹಿಸುತ
ಬೆವರು ಸುರಿಸಿ ಕಷ್ಟ ಸಹಿಸಿ
ಒಂದೇ ಸವನೆ ದುಡಿಯುತ

ಗಟ್ಟಿ ದೇಹ ದೊಡ್ಡ ಮನಸು
ದೇವನಿಂದ ಪಡೆದನು
ಯೋಗಿಯಾಗಿ ತ್ಯಾಗಿಯಾಗಿ
ಅನ್ನ ನೀಡುತಿರುವನು
ಎತ್ತು ಎರಡು ಅವನ ಜೋಡು
ಕೂಡಿ ದುಡಿವ ಗೆಳೆಯರು
ಹಿಗ್ಗು ಕುಗ್ಗು ಏನೇ ಇರಲಿ
ಹೊಂದಿಕೊಂಡು ನಡೆವರು
(ಕವಿ : ಸತ್ಯಾರ್ಥಿ ಚನ್ನಬಸಪ್ಪ ಹೊಸಮನಿ)
***

3 comments:

Shrikara K said...

ಈ ಕೆಳಗಿನ ಪ0ಕ್ತಿಗಳು ನನ್ನ ಮೆಚ್ಚಿನವಾಗಿದ್ದುವು.
ಇವನ್ನು ಕ0ಠಪಾಠ ಮಾಡಿದ ನೆನಪು ಇನ್ನೂ ಇದೆ.
ಇದನ್ನು ಪೂರ್ಣಗೊಳಿಸುವರೆ ನಿಮ್ಮ ಸಹಾಯ ಬೇಕು.
ಸುಬ್ರಹ್ಮಣ್ಯ ಭಟ್ಟರ ಸ0ಕಲನದ ಈ ಪ್ರಯತ್ನ ಸಫಲವಾಗಲಿ.
(ಕವಿಗಳು ಪ0ಜೆ ಮ0ಗೇಶರಾಯರೆ0ದು ನನ್ನ ಅನಿಸಿಕೆ.)


ಮೂಡುವನು ರವಿ ಮೂಡುವನು
ಕತ್ತಲೊಡನೆ ಜಗಳಾಡುವನು
ಮೂಡಣ ರ0ಗಸ್ಥಳದಲಿ
ನೆತ್ತರ ಮಾಡುವನು ಕುಣಿದಾಡುವನು.
.........
ಏರುವನು ರವಿ ಏರುವನು...
..........
ಏರಿದವನು ಚಿಕ್ಕವನಿರಬೇಕೆಲೆ
ಎ0ಬೀ ಮಾತನು ಸಾರುವನು

channu said...

Aadr indu paristhithi hegide andare
ondu vichithra venendare
"ANNADATHANA HOTTEYALLI HUTTI TUTTHU ANNAKKE PARADADUTHIRUVA RANA HEDIGALU NAVELLA" badukiddu sattha hage agide?????

Shashidhar Dyamani said...

ತಮಗೆ ಅನಂತ ಧನ್ಯವಾದಗಳು. "ಇವನೇ ನೋಡು ಅನ್ನದಾತ" ಪದ್ಯವನ್ನು ಮಗಳಿಗೆ ಹೇಳಿ ಕೊಡಲು ಹುಡುಕುತ್ತಿದ್ದೆ, ನಿಮ್ಮ ಬ್ಲಾಗ್ನಲ್ಲಿ ಸಿಕ್ಕಿತು.