Wednesday, February 11, 2009

ಎಣ್ಣೆ ಹೊಯ್ಯಮ್ಮ ದೀಪಕ್ಕೆ.....



ಎಣ್ಣೆ ಹೊಯ್ಯಮ್ಮ ದೀಪಕ್ಕೆ
ಬತ್ತಿ ಒಣಗುತ್ತಿದೆ ಬೆಳಕು ಬಾಡುತ್ತಿದೆ
ಕತ್ತಲೆ ಮುಂದೆ ಮುಂದೊತ್ತಿದೆ
ಅತ್ತಲಿ೦ದಿತ್ತಲು ಕಂಡಿಯೊಳಗೆ ನುಗ್ಗಿ
ಒತ್ತರದಲಿ ಗಾಳಿ ಬೀಸುತ್ತಿದೆ :ಎಣ್ಣೆ :


ಹೊರಗಲ್ಲಿ ಗಿಡ ಮರ ಕೊಂಬೆ ರೆ೦ಬೆಗಳು
ಬಡಿದಾಡಿಕೊಂಡು ಭೋರಿಡುತ್ತಿವೆ
ಪಡು ಬಾನ ಕಾರ್ಮುಗಿಲರಿಯೊ೦ದದ೦ನೆ
ಕುಡು ಮಿಂಚಿನಲಿ ಗಹಗಹಿಸುತ್ತಿದೆ :ಎಣ್ಣೆ :


ಹಸಿದ ಮಕ್ಕಳು ಬಟ್ಟಲೆನ್ನದು ತನ್ನದೆಂ
ದೆಳೆದಾಡಿಕೊಂಡು ಗುದ್ದಾಡುತ್ತಿವೆ
ಹಿರಿಯರ ಸಂಧ್ಯಾವಂದನೆ ಸಾಹಿತ್ಯ
ಕಡೆಗಾಲೊಳೆಡವಿ ಚೆಲ್ಲಾಡುತ್ತಿವೆ :ಎಣ್ಣೆ :


ಗೋಡೆಯ ಬಳಿಯಿಂದ ಹಸಿರು ಕಣ್ಣಿನ ಭೂತ
ಹಾಲಾಳಗೆಯ ಬಳಿ ಸಾರುತ್ತಿದೆ
ಗೂಡಿನ ಗಿಳಿ ಹೆಸರೆತ್ತಿ ಕರೆದು ಕೀರಿ
ಕಾಣಾದೆ ನಿನ್ನ ಕಂಗೆಡುತ್ತಲಿದೆ

ಎಣ್ಣೆ ಹೊಯ್ಯಮ್ಮ ದೀಪಕ್ಕೆ...


(ಕವಿ :ಸೇಡಿಯಾಪು ಕೃಷ್ಣ ಭಟ್ )


***

1 comment:

chirantana said...

very nice song.
when we are in primary school my teacher use to sing this song melodiously. Nice blog. keep it up