Friday, December 4, 2009

ಸೂರ್ಯನಿಗೆ ನಮನ



ಸಹಸ್ರ ರಶ್ಮಿಯನು ಬೀರುವ
ಜಗದ ಕರ್ಮದ ಸಾಕ್ಷಿಯೇ
ತೇಜೋಮಯ ಪ್ರದೀಪ ನಿನ್ನಯ
ಚರಣಕನುದಿನ ನಮಿಸುವೆ


ಪುಂಜ ಪುಂಜದಿ ಬೆಳಕನೀಯುತ
ಮೂಡು ದಿಕ್ಕಲಿ ಮೂಡುವೆ
ಮತ್ತೆ ಏರುತ ಪ್ರಖರನಾಗುತ
ಭೂಮಿಯನ್ನು ಬೆಳಗುವೆ


ಹೊನ್ನ ಬಣ್ಣದ ಕಿರಣವೀಯು
ಮೋಡದೆಡೆಯಲಿ ಅಡಗುವೆ
ಮತ್ತೆ ಸಂಜೆಯ ತಂಪು ಕಂಪಲಿ
ಶರಧಿಯಾಚೆಗೆ ಇಳಿಯುವೆ


ಸಸ್ಯ ಪ್ರಾಣಿ ಸಂಕುಲವನೆಲ್ಲವ
ಕಾಲ ಕಾಲಕೆ ಬೆಳೆಸುವೆ
ಜಗದ ಜೀವಕೆ ಆರೋಗ್ಯ ಭಾಗ್ಯವ
ಕೊಡುವ ನಿನಗೆ ನಮಿಸುವೆ .

**

1 comment:

Anonymous said...

nice song.. good photo..