ನಾನು ಯಾರು ?

ಚಿಕ್ ಚಿಕ್ ಚಿವ್ ಚಿವ್

ಎಂದುಕೊಂಡು ಮರಗಳಲ್ಲಿ

ಅತ್ತ ಇತ್ತ ಓಡುತಿರುವೆ

ನಾನು ಯಾರು ?

ಹಣ್ಣು ಕಾಯಿ ಬೀಜ ಗೊರಟು

ದವಸಧಾನ್ಯವೆಲ್ಲವನ್ನು

ತಿಂದುಕೊಂಡು ಹೊಟ್ಟೆ ಹೊರೆವೆ

ನಾನು ಯಾರು ?

ಮರದ ಚಿಕ್ಕ ಪೊಟರೆಯೊಳಗೆ

ಗೂಡು ಕಟ್ಟಿ ಮರಿಗಳೊಡನೆ

ವಾಸಮಾಡುತಿರುವೆನಣ್ಣ

ನಾನು ಯಾರು ?

ಉಣ್ಣೆಯಂತೆ ನುಣ್ಣಗಾದ

ರೋಮವಿರುವ ಬೆನ್ನ ಮೇಲೆ

ಬಿಳಿಯ ಮೂರು ಗೆರೆಗಳಿಹವು

ನಾನು ಯಾರು?

ಚಿಕ್ ಚಿಕ್ ಚಿವ್ ಚಿವ್

ಚಿಕ್ ಚಿಕ್ ಚಿವ್ ಚಿವ್

ಎನುವ ಪುಟ್ಟ ಹಾಡುಗಾರ

ನಾನು ಯಾರು ?

(ಕವಿ : ಪಳಕಳ ಸೀತಾರಾಮ ಭಟ್ )

***