ಎಣ್ಣೆ ಹೊಯ್ಯಮ್ಮ ದೀಪಕ್ಕೆ.....

ಎಣ್ಣೆ ಹೊಯ್ಯಮ್ಮ ದೀಪಕ್ಕೆ

ಬತ್ತಿ ಒಣಗುತ್ತಿದೆ ಬೆಳಕು ಬಾಡುತ್ತಿದೆ

ಕತ್ತಲೆ ಮುಂದೆ ಮುಂದೊತ್ತಿದೆ

ಅತ್ತಲಿ೦ದಿತ್ತಲು ಕಂಡಿಯೊಳಗೆ ನುಗ್ಗಿ

ಒತ್ತರದಲಿ ಗಾಳಿ ಬೀಸುತ್ತಿದೆ :ಎಣ್ಣೆ :

ಹೊರಗಲ್ಲಿ ಗಿಡ ಮರ ಕೊಂಬೆ ರೆ೦ಬೆಗಳು

ಬಡಿದಾಡಿಕೊಂಡು ಭೋರಿಡುತ್ತಿವೆ

ಪಡು ಬಾನ ಕಾರ್ಮುಗಿಲರಿಯೊ೦ದದ೦ನೆ

ಕುಡು ಮಿಂಚಿನಲಿ ಗಹಗಹಿಸುತ್ತಿದೆ :ಎಣ್ಣೆ :

ಹಸಿದ ಮಕ್ಕಳು ಬಟ್ಟಲೆನ್ನದು ತನ್ನದೆಂ

ದೆಳೆದಾಡಿಕೊಂಡು ಗುದ್ದಾಡುತ್ತಿವೆ

ಹಿರಿಯರ ಸಂಧ್ಯಾವಂದನೆ ಸಾಹಿತ್ಯ

ಕಡೆಗಾಲೊಳೆಡವಿ ಚೆಲ್ಲಾಡುತ್ತಿವೆ :ಎಣ್ಣೆ :

ಗೋಡೆಯ ಬಳಿಯಿಂದ ಹಸಿರು ಕಣ್ಣಿನ ಭೂತ

ಹಾಲಾಳಗೆಯ ಬಳಿ ಸಾರುತ್ತಿದೆ

ಗೂಡಿನ ಗಿಳಿ ಹೆಸರೆತ್ತಿ ಕರೆದು ಕೀರಿ

ಕಾಣಾದೆ ನಿನ್ನ ಕಂಗೆಡುತ್ತಲಿದೆ

ಎಣ್ಣೆ ಹೊಯ್ಯಮ್ಮ ದೀಪಕ್ಕೆ...

(ಕವಿ :ಸೇಡಿಯಾಪು ಕೃಷ್ಣ ಭಟ್ )

***