ಜೇನು ನೊಣ

ಜೇನು ನೊಣವೆ ಜೇನು ನೊಣವೇ

ಎಲ್ಲಿ ಹೋಗುವೆ ?

ಜುಂಯ್ ಜುಂಯ್ ಸದ್ದು ಮಾಡಿ

ಹಾರುವುದೆಲ್ಲಿಗೆ ?

ವನವನಲೆದು ಜೇನ ತರಲು
ನಾನು ಹೋಗುವೆ

ವನದಿ ಬಿರಿದ ಕುಸುಮಗಳಿಗೆ ಮುತ್ತನಿಕ್ಕುವೆ

ನಾನು ಬರಲೇ ನಿನ್ನ ಜೊತೆಗೆ

ವನವ ನೋಡಲು ಹೂವುಗಳನು ನೋಡಿ

ಹಣ್ಣು ಗಳನು ಮೆಲ್ಲಲು ?

ನೋಡು ಬಾಲ ನನಗೆ ಎರಡು

ರೆಕ್ಕೆ ಇಲ್ಲಿವೆ

ನನ್ನ ಜೊತೆಗೆ ಬರಲು ನಿನಗೆ ರೆಕ್ಕೆ ಎಲ್ಲಿದೆ?

ನಿನಗೆ ನಿನ್ನ ಮನೆಯೇ ಅಂದ

ಅಣ್ಣ ತಮ್ಮ ಅಕ್ಕ ತಂಗಿ

ಎಲ್ಲ ಸೇರಿ ಅದೇ ಚಂದ

ಹೋಗಿ ಆಡೋ ಅಲ್ಲಿ ನೀನು

ಮುದ್ದು ಕಂದನೆ !

(ಕವಿ :ಸುಬ್ರಹ್ಮಣ್ಯ ಭಟ್ )

***